PENNAETH CYLLID A CHEFNOGAETH BUSNES

CYFLOG

ORIAU

LLEOLIAD

ADRODDIADAU I

CYFRIFOL AM

DULL YMGEISIO

Crynodeb o Swydd Pennaeth Datblygu Elusennau

Ydych chi'n arweinydd deinamig sy'n edrych am eich symudiad gyrfa nesaf a her newydd gyffrous?

Rydym yn recriwtio Pennaeth Cyllid a Chymorth Busnes dawnus, a fydd yn arwain Tîm Cymorth Busnes bach i ddarparu gwasanaethau cyllid, adnoddau dynol a llywodraethu o ansawdd uchel a chymorth i’n staff, gwirfoddolwyr ac Ymddiriedolwyr.

Rydym yn chwilio am rywun sydd â chefndir ariannol cryf a phrofiad o weithio mewn rôl amlochrog i elusen neu sefydliad di-elw. Ochr yn ochr â’r uwch dîm arwain, byddwch yn datblygu ac yn gweithredu strategaethau ac arferion sy’n adlewyrchu ein gwerthoedd ac yn hyrwyddo sefydlogrwydd a chynaliadwyedd. Mae'r rôl hon yn ganolog i lwyddiant yr elusen fel darparwr gwasanaeth, ac fel cyflogwr o ddewis.

Disgrifiad Swydd

Bydd y Pennaeth Cyllid a Chymorth Busnes yn arwain ac yn datblygu’r Tîm Cymorth Busnes i ddarparu gwasanaethau cyllid, adnoddau dynol a llywodraethu o ansawdd uchel a chefnogaeth i’n staff, gwirfoddolwyr ac Ymddiriedolwyr. Fel y cyfryw, bydd gennych gefndir ariannol cryf a phrofiad o weithio mewn rôl amlochrog i elusen neu sefydliad dielw.  Rydym wedi ymrwymo i wneud yr elusen yn lle gwych i weithio, lle mae gweithwyr a gwirfoddolwyr yn mwynhau telerau ac amodau cystadleuol, yn cael eu cefnogi i gael cydbwysedd iach rhwng bywyd a gwaith a chael cyfleoedd i dyfu a ffynnu. Ochr yn ochr â’r uwch dîm arwain, byddwch yn datblygu ac yn gweithredu strategaethau ac arferion sy’n adlewyrchu ein gwerthoedd ac yn hyrwyddo sefydlogrwydd a chynaliadwyedd. Mae'r rôl hon yn ganolog i lwyddiant yr elusen fel darparwr gwasanaeth, ac fel cyflogwr o ddewis.

Amcanion Allweddol

• Arweinyddiaeth a Rheolaeth: Arwain a datblygu tîm deinamig o safon uchel i gynorthwyo a darparu gwasanaethau isadeiledd yr elusen. Byddwch wedi ymrwymo i dwf a datblygiad yr elusen drwy gyfleoedd gwirfoddoli a dysgu gydol oes. Byddwch yn gweithio ochr yn ochr â chydweithwyr a’r Bwrdd i yrru, dylanwadu, cynghori a chefnogi agweddau sy’n gysylltiedig â diwylliant a phobl o ran newid sefydliadol, dylunio, cynllunio'r gweithlu, prosesau pobl a mentrau gwella busnes. Cefnogi amcanion sefydliadol ehangach gan gynnwys trawsffurfio digidol a chynnydd tuag at sero net drwy eich gwaith.
•  Llywodraethu Cryf: Gweithio gyda'r Prif Swyddog Gweithredol (Ysgrifennydd y Cwmni) a'r Bwrdd i roi systemau, prosesau ac arferion cadarn, tryloyw ac effeithiol ar waith sy'n adlewyrchu ac yn hyrwyddo llywodraethiant da. Darparu arweiniad ar strwythur cyfreithiol yr elusen, gan ystyried ei model(au) gweithredol a gweithgareddau amrywiol, er mwyn sicrhau bod yr elusen yn defnyddio ei hadnoddau yn effeithlon ac yn effeithiol.
•  Datblygu a Thwf: Gweithio gyda’r uwch dîm arwain a rheoli gweithredol i ganfod cyfleoedd a meysydd o dwf cynaliadwy yn unol â'r Cynllun Strategol. Llunio a datblygu Cynllun Datblygu Gweithlu’r elusen, gan roi sylw i bwysigrwydd recriwtio effeithiol, hyrwyddo lles yn y gwaith a chyfleoedd ar gyfer twf personol. Cyfrannu at ddatblygu cynllun cynhyrchu incwm sy’n sicrhau incwm cynaliadwy i gefnogi ein gwaith, ac sy’n cynnal ein nod strategol o gynhyrchu 60% o incwm o ffynonellau anghyfyngedig ac annibynnol.